निबंध व वक्तृत्व स्पर्धांचे आयोजन सन २०१२-१३

निबंध व वक्तृत्व स्पर्धांचे आयोजन सन २०१२-१३

     महाराष्ट्र शासनाने क्रीडा व युवक सेवा संचालनालय, म.रा.पुणे-१ व जिल्हा क्रीडा अधिकारी, मुंबई शहर यांचे संयुक्त विद्यमाने युवक कल्याण विषयक विविध उपक्रमात जास्तीत जास्त युवक व युवती यांना सहभागी करून त्यांच्या सुप्त गुणांना संधी उपलब्ध करून देण्याच्या दृष्टीने जिल्ह्यातील १५ ते ३५ वर्ष वयोगटातील युवक युवतींसाठी निबंध व वक्तृत्व स्पर्धांचे आयोजन करण्यात येत आहे.

    या स्पर्धा दि.१७ जानेवारी २०१३ रोजी आयोजित केल्या जाणार आहेत. मुंबई शहर जिल्ह्यातील शाळा व महाविद्यालयात असणार्‍या कार्यक्षेत्रात शिकणारे, वास्तव्य करणारे युवक-युवती यात भाग घेऊ शकतील. जिल्हास्तरीय स्पर्धेत प्रथम तीन क्रमांकाच्या  युवक-युवतींना खालीलप्रमाणे रोख पारितोषिक व प्रमाणपत्रे देण्यात येतील.

                  क्रमांक                                 रोख पारितोषिक

                  प्रथम                                   रु. ५००

                 द्वितीय                            रु. ३००

                  तृतीय                              रु. १००

     निबंधाकरीता २००० ते २५०० शब्दांची मर्यादा राहील. निबंध स्पर्धेकरीता वेळ एक तास व वक्तृत्व स्पर्धेकरीता दहा मिनिटे दिली जातील. विषय ऐनवेळी चिठ्ठी टाकून दिला जाईल.

ज्या युवक-युवतींना या स्पर्धेत सहभागी व्हायचे आहे त्यांनी आपले प्रवेश अर्ज दि. १५ जाने.२०१३ पर्यंत जिल्हा क्रीडा अधिकारी कार्यालय, मुंबई शहर,मल्होत्रा हाऊस,तिसरा मजला, जि.पी.ओ.समोर, बोरीबंदर, मुंबई -०१. या पत्त्यावर पाठवाव्यात किंवा या संदर्भात अधिक माहितीसाठी श्रीमती सुचिता ढमाले, क्रीडा अधिकारी (मो.क्र. ९००४१३९५५७) यांच्याशी संपर्क साधावा,असे आवाहन जिल्हा क्रीडा अधिकारी श्रीमती स्नेहल साळुंखे यांनी केले आहे.