शिवछत्रपती पुरस्कार सन २०११-१२

राज्य शासनामार्फत स २०११-१२ या वर्षासाठी शिवछत्रपती राज्य क्रीडा जीवन गौरव पुरस्कार, उत्कॄष्ट क्रीडा मार्गदर्शक पुरस्कार, शिवछत्रपती राज्य क्रीडा पुरस्कार (खेळाडू, संघटक/ कार्यकर्ते) राज्य क्रीडा साहसी पुरस्कार, एकलव्य राज्य क्रीडा  पुरस्कार (अपंग खेळाडू) जिजामता राज्य क्रीडा पुरस्कार प्रदान करण्यात येणार आहे.

शासननिर्णय शालेय शिक्षण व क्रीडा विभाग क्र.शिछ्पु.२०११/प्र.क्र.१९८/२०११/क्रीयुसे-२,दिनांक १ ऑक्टोबर,२०१२ अन्वये पुरस्काराचे अर्ज क्रीडा व युवक सेवा संचालनालयाच्या www.mahasportal.gov.in  या संकेतस्थळावर उपलब्ध आहे. सुधारीत नियमावलीतील तरतुदी विचारात घेऊन संबंधित मान्यताप्राप्त खेळांच्या अधिकृत राज्य संघटनांनी त्यांची शिफारस, आवश्यक ती कागदपत्रे व संघटनेच्या ठरावासह पात्र इच्छुकांचे अर्ज दि. १५ मार्च २०१३ पर्यंत आयुक्त,  क्रीडा व युवक सेवा संचालनालय, मध्यवर्ती इमारत, पुणे-१ या पत्त्यावर मागविण्यात येत आहे.

उपरोक्त पुरस्कारासाठी आवश्यक त्या माहितीसह वैयक्तिकरित्या विहित नमुन्यात अर्ज करता येईल. तसेच हे अर्ज जिल्हा क्रीडा अधिकारी कार्यालय, मुंबई शहर, मल्होत्रा हाऊस, ३ रा मजला, जी.पी.ओ.समोर, बोरीबंदर, मुंबई-०१ या पत्त्यावरदेखील उपलब्ध करून मिळतील. अधिक माहितीकरीता कार्यालयाशी संपर्क साधावा असे आवाहन श्रीमती स्नेहल साळुंखे, जिल्हा क्रीडा अधिकारी, मुंबई शहर यांनी केले आहे.