राजीव गांधी खेलरत्न पुरस्कार, द्रोणाचार्य पुरस्कार, ध्यानचंद पुरस्कार, अर्जुन पुरस्कार सन २०१३

दरवर्षी  केंद्रशासनामार्फत विविध खेळातील अत्युच्च कामगिरी केलेल्या खेळाडूंना विविध पुरस्कारांनी गौरविले जाते. या वर्षीदेखील राजीव गांधी खेलरत्न पुरस्कार, द्रोणाचार्य  पुरस्कार, ध्यानचंद  पुरस्कार, अर्जुन पुरस्कार इ. पुरस्कारांकरीता केंद्रशासनामार्फत अर्ज मागविण्यात आलेले आहेत.

सन २०१३ या वर्षाकरीता राजीव गांधी खेलरत्न पुरस्कार, द्रोणाचार्य  पुरस्कार, ध्यानचंद  पुरस्कार, अर्जुन पुरस्कार इ. पुरस्कारांकरीता भरावयाच्या अर्जाचा नमुना, जिल्हा क्रीडा अधिकारी कार्यालय,मुंबई शहर, मल्होत्रा हाऊस, तिसरा मजला, जी.पी.ओ.समोर, बोरीबंदर, मुंबई -०१ येथे उपलब्ध होतील.

सदर पुरस्काराकरीता प्राप्त प्रस्ताव छाननी करून दि. २७ फेब्रुवारी २०१३ पर्यंत   शासनास सादर करावयाचे आहेत. तरी मुंबई शहर जिल्ह्यातील इच्छुक खेळाडूंनी अधिक माहिती करीता जिल्हा क्रीडा अधिकारी कार्यालय,मुंबई शहर येथे संपर्क साधावा, असे आवाहन श्रीमती स्नेहल साळुंखे, जिल्हा क्रीडा अधिकारी यांनी केले आहे.